السلام عليكم ورحمة الله وبركاته
الصلاة والسلام علي رسولنا الكريم أما بعد ,
أهلاً وسهلاً بكم متابعينا في أولي القضايا التي تهم كل ساكنين المدن
....
← الباعة الجائلين →
طبعاً في هذا الموضوع سوف نتكلم عن مشكلة الباعة الجائلين والمقاهي وتنظيم حركة السير في مدينتا (( إيتاي البارود ))
وذلك لأن محتوي مدونتنا تتطرق حول قضايا إيتاي فقط
ـــــــــــــــــــــــــــــــــــــــــــــــــــــــــ
معلش ياجماعة سامحوني بس انا هتكلم بالعامية شوية
الباعة الجائلين في إيتاي مشكلة كبيرة جداً
المشكلة مش في ان فيه باعة جائلين ... لأ . المشكلة في تنظيم الحاملات ( الفرش )
يعني مثلاً شارع عرضة 10 متر ألاقي مجموعة واخدين 5 متر من الشارع لحسابهم دون أي ( رقابة ) أو تدخل قانوني
طبعاً زي مافي الصورة دي
￬
لاحظ معايا ان الفرش واخد اكتر من 4 متر من عرض الشارع الطبيعي
طيب فالنفرض إن فيه حالة تعبانه جداً ولازم تروح المستشفي .. هتعدي إزاي ..
بلاش كده ... واحد متأخر ع ميعاد القطر .. أو شغله ... وطبعاً أكتر من مره الناس تشتكي ...والمجلس يروح ويعاين ويلم الفرش ويخسر أصحاب الفرش مئات وآلاف الجنيهات ... بس مش هو ده الحل ... لا .. نظم الحركة ارسم خطوط حمراء واللي يعديها يدفع غرامه مالية ولو عداها تاني يبقي ميفرش في المكان ده ..صح ولا كلامي خطاً .. وبكده هنقدر نتخطي المشكلة دي وتبقي شوارعنا بنفس الشكل ده
اه صحيح ومننساش طبعاً حاصد الأرواح الكبير ( مزلقان إيتاي البارود ) وده طبعاً هيطول شرحه علشان كده هننشر مقالة خاصة بيه
النقطه التانية
(( المقــــاهي ))
الموضوع ده مستفز جداً بصراحة
ثواني كده احاول اعدلكم كام كافتيريا في إيتاي امممم
حوالي 35 مابين كافي شوب ومابين مقهى شعبي
انتم متخيلين العدد وانا متأكد ان العدد اكبر كمان
بس مش ده موضوعنا الرزق ده بتاع ربنا علشان محدش يجي ويقول انتم بتقاطعوا الناس في الرزق بتاعهم .. لا ياسيدي أستأذنك تقرا المقاله للأخر ...
المقهي اما تفتح وتاخد عرض محدود من الشارع يبقي انا شايف ان ده عادي وشغال .. لكن كافي شوب عند اهم منطقه في ايتاي تاخد شاااااااارع بأكمله :O :O
ده غير ان بعض المقاهي تحوي (( بلاوي ))
المقاله دي ياجماعه مبدئية .. لكن جاري التصوير والمتابعة
أتمني منكم دعمنا علي صفحتنا الشخصية واللي هتلاقوها في اعلي يسار أو يسار المدونة
أنا أسف لو طولت عليكم ... وإستنوني في المقالة القادمة
يتبع ....
ليست هناك تعليقات
إرسال تعليق
من فضلك ضع رأيك في المقاله